Вітаю, спадарства.
Па перыядзе - гэта хутчэй за ўсё IX ст., ну макс. X. То бок ранні перыяд іх існавання
На карысць гэтага сведчаць:
- 5 прамянёў
- заканчэнне прамянёў трыма шарыкамі (калі я правільна бачу)
- утаўшчэнні ў аснаванні дужкі
- рэльефны працяг дужкі на шчытку
І так, яны былі меншага памеру, чым пазнейшыя, акурат як менавіта гэта колца. Але тут ёсць шмат невызначанасцяў (матэрыял, арнамент на прамянях і шчытку, etc). Мяркуюць, што некаторы час яны маглі хадзіць нават паралельна з 7-прамянёвымі (а ёсць прыклады, што і форму ад 5-прамянёвых выкарыстоўвалі пад ліццё ўжо больш "сучасных" 7-прамянёвых). Гэта кан. IX-X ст.
Што да племянёвый адпаведнасці, то тут нам толькі гадаць. Бо былі падобныя і ў тутэйшых продкаў (прыкладам, могільнік Студзёнка, што ў Быхаўскім раёне, могільнік Усход, таксама Магілёўшчына), і ў славянаў далей на ўсход і паўднёвы ўсход. Мяркую, і не толькі ў іх. Дакладна можна сказаць, што гэта славянскае скроневае колца прыкладна 9-10 ст, наўрад ці пазней (а калі не медзь, а які білон, ці яшчэ што, мо і раней, але гледзячы па арнаменце - наўрад ці). Хутчэй за ўсё гэта ж тутэйшая знаходка? Цалкам верагодна, што можа быць і радзіміцкае (я б яго такім і лічыла).
Вось тут ёсць карысныя высновы:
https://libr.msu.by/bitstream/123456789 ... /1800n.pdf